З мэтай папярэджання ДТЗ з удзелам непаўналетніх 30 жніўня на тэрыторыі нашай краіны праводзіцца Адзіны дзень бяспекі дарожнага руху.

Пройдзе ён пад дэвізам: “Бяспечны шлях у школу – задача дарослых!”.

Супрацоўнікі АДАІ РАУС наведаюць школы раёна, каб ў даступнай форме нагадаць дзецям асноўныя правілы дарожнай бяспекі – праз гутаркі, віктарыны, гульні і конкурсы. Побач з установамі адукацыі пройдуць рэйды па недапушчэнні парушэнняў правіл дарожнага руху.

З пачатку бягучага года на тэрыторыі вобласці адбыліся 28 ДТЗ з удзелам непаўналетніх. 1 падлетак загінуў, 27 атрымалі траўмы.

Супрацоўнікі Дзяржаўтаінспекцыі нагадваюць дарослым: ад таго, як вы навучыце дзяцей паводзінам на дарозе, залежаць ваш спакой і іх бяспека.

Будзьце прыкладам для сваіх дзяцей, строга выконвайце правілы дарожнага руху.

                                                Аляксандр ЕМЯЛЬЯНАЎ,

         інспектар АДАІ РАУС.