У апошні час асаблівую вастрыню набылі праблемы чыгуначнага траўматызму і бяспекі руху цягнікоў.

Асноўнымі відамі парушэнняў на чыгуначным транспарце з’яўляюцца:

► закідванне камянямі вокнаў праходзячых цягнікоў (калі камень прабіў шкло і трапіў у вагон, дзе знаходзяцца людзі,
хулігана чакае штраф або пазбаўленне волі на тэрмін да 2 гадоў);

► пераход чыгуначных шляхоў у недазволеным месцы (штраф ад 0,2 да 2 бв);

► накладанне на рэйкі старонніх прадметаў, якія могуць выклікаць парушэнне руху цягнікоў (штраф ад 2 да 10 бв). Калі ж гэтая хуліганская выхадка пацягнула за сабой крушэнне цягніка, то злачынцу пагражае штраф альбо пазбаўленне волі на тэрмін да 10 гадоў (у залежнасці ад наступстваў);

► выкіданне смецця і іншых прадметаў з вокнаў і дзвярэй транспартнага сродку цягне накладанне штрафу ў памеры ад 1 да 2 бв;

► разбітая праезная сігналізацыя цягне накладанне штрафу ад 20 да 50 бв. Калі адбылося наўмыснае пашкоджанне чыгуначнага транспарту, пуцявых аб’ектаў, збудаванняў і г.д., і гэта пацягнула цяжкія наступствы, хуліганам пагражае да 10 гадоў пазбаўлення волі.

Аляксандр КРОЛ,

начальнік ААПП РАУС.