11 чэрвеня на гарадскім стадыёне прайшоў раённы этап сямейнага рэспубліканскага сельскагаспадарчага праекта «Уладар сяла», арганізатарам якога выступае РК ГА «БРСМ» пры падтрымцы аддзела ідэалагічнай работы, культуры і па справах моладзі райвыканкама. Удзел у конкурсе прынялі тры сям’і: Сяргея і Вольгі ВАСКОЎСКІХ з аграгарадка Вялікая Машчаніца, Андрэя і Алены ФЕДАСЕЕВЫХ з вёскі Малы Кудзін, а таксама Рамана і Вольгі ЯЎСЕЕВЫХ з Лебядзянкі. Спаборнічалі ў конкурсах «Візітная картка», «Па дровы», «Вясковая спартыўная эстафета», «Сюрпрыз», «Выстава дасягненняў сямейнай гаспадаркі». Журы ацэньвала якасць і хуткасць выканання заданняў. Па выніках усяго пройдзенага месцы размеркаваліся наступным чынам: 1 – сям’я Васкоўскіх, 2 – Яўсеевы, на 3 – сям’я Федасеевых.