Темы

На лінейцы стапрацэнтнай гатоўнасці

Праз лічаныя дні на Бялыніччыне будзе дадзены афіцыйны старт уборачнай кампаніі. Хлебаробы СВК “Калгас “Радзіма” могуць хоць заўтра выехаць у поле: і тэхніка, і зернесушыльныя комплексы, і зернесховішчы, і праца адпаведных служб, – усё ў гаспадарцы прыведзена да 100 % гатоўнасці прыёму будучага ўраджаю.

На КЗСК ў вёсцы Карпаўка пакуль цішыня, але ўжо хутка наваколле абудзіцца ад руху тэхнікі і працы зернесушыльных агрэгатаў. Калектыў аператараў комплексу ў складзе Дзмітрыя ГЕРЧУКА, Сяргея ПРАКОПЧЫКАВА, Алега МУШКЕТАВА і Васіля ДЗЕВІЧЫНСКАГА правёў усе неабходныя этапы падрыхтоўкі, каб працаваць без збояў. Дарэчы, у мінулым годзе гэта звяно па падпрацоўцы збожжа заняло другое месца ў раённым спаборніцтве, толькі крыху ўступіўшы сваім калегам – звяну Юрыя КАЛАКУСТАВА.

– Першым чакаем на падпрацоўку зерне азімага рапсу, – распавядае брыгадзір аператараў КЗСК Дзмітрый Герчук. – Як толькі камбайны выйдуць у поле, так для ўсіх нас і пачнецца “гарачая пара”.

– Сёлета ў СВК “Калгас “Радзіма” трэба ўбраць амаль 4 тысячы гектараў зерневых і зернебабовых культур. Большая палова з іх – азімыя, – паінфармаваў галоўны аграном гаспадаркі Аляксандр ЛЕЙБУЦІН. – У сувязі са складанымі ўмовамі надвор’я частка азімых культур загінула, таму гэтыя плошчы перасеялі яравымі. Як толькі нябесная канцылярыя дасць “дабро”, адразу ж распачнецца ўборка азімага рапсу, які займае 800-гектарную плошчу.

Папярэднія прагнозы на будучы ўраджай рабіць яшчэ рана, але галоўны аграном гаспадаркі ўпэўнены, што ён будзе неблагі.

– У сёлетняй уборачнай, як і ў мінулым годзе, будуць задзейнічаны 12 экіпажаў камбайнаў і каля 25 адзінак тэхнікі на адвозцы збожжа, – дадаў Аляксандр Лейбуцін. – Як і ў мінулыя сезоны, нашы механізатары забяспечаны ўсім неабходным.

Святлана МАГІЛЕЎЧЫК.
Фота аўтара.

Последние новости

Новости района

Заветные аттестаты, медали, улыбки, яркие наряды – в Белыничах прошел школьный выпускной

13 июня 2025
Читать новость
Новости района

Профсоюз поблагодарил аграриев за ответственный труд

13 июня 2025
Читать новость
Новости района

Генпрокурор Андрей Швед наградил коллектив “Зары над Друццю” за лучшее освещение в СМИ деятельности прокуратуры

13 июня 2025
Читать новость
РОЧС информирует

Белыничский РОЧС напоминает о правилах поведения во время грозы

13 июня 2025
Читать новость
Новости района

В Белыничах прошла отчётно-выборная конференция районной организации РОО «Белая Русь»

13 июня 2025
Читать новость
Новости района

Медицинских работников чествовали в Белыничской ЦРБ

12 июня 2025
Читать новость

Рекомендуем