Чарговы няшчасны выпадак з—за неасцярожнага абыходжання суседзяў з агнём пры спальванні смецця адбыўся ў аўторак у в. Старое Сяло.

Аб пажары паведамілі ў РАНС а 15 гадзіне.

Калі ратавальнікі прыбылі на месца выкліку, гарэлі дзве гаспадарчыя пабудовы і сухая расліннасць.

У выніку пажару знішчана драўлянае гаспадарчае памяшканне, пашкоджаны дах хлева з блокаў і сцены яшчэ адной прыбудовы.

Яшчэ раз нагадваем аб неабходнасці захавання правіл пажарнай бяспекі пры спальванні смецця:

– зацішнае надвор’е;

– ёмістасць з вадой аб’ёмам не менш за 10 л;

– ачышчаная ад верхняга слою глебы пляцоўка, адлегласць ад якой павінна быць не менш за 10 м да будынкаў,              20 м – ляснога масіву і 30 м – сціртаў сена і саломы.

    Кацярына ЛЮБІВАЯ,

            інспектар ГПіУГ РАНС.