З мэтай вывучэння грамадскай думкі Камітэтам дзяржкантролю Магілёўскай вобласці праведзена апытанне жыхароў Магілёўшчыны аб праблемах транспартнага абслугоўвання,  у рамках якога на разгляд паступіла мноства прапаноў.

Асноўныя пытанні, узнятыя насельніцтвам:

– неналежны інтэрвал руху грамадскага транспарту і неапраўданае дубліраванне шэрагу маршрутаў;

– неактуальнасць інфармацыі, якая змяшчаецца ў табліцах з раскладам руху;

– неабходнасць стварэння дадатковых прыпыначных пунктаў;

– неналежнае ўтрыманне грамадскага транспарту, асабліва ў летні час;

– стварэнне празрыстых умоў па выдачы дазволаў на перавозку пасажыраў па горадзе, пераважная выдача дазволаў на маршрут перавозчыкам, якія абслугоўваюць яго доўгі час;

– паляпшэнне працы аператара пасажырскіх перавозак.

Пазначаныя грамадзянамі праблемныя пытанні накіраваны для разгляду ў кампетэнтныя органы.

Дзмітрый ЗАХАРАЎ,

в.а намесніка старшыні Камітэта

дзяржкантролю Магілёўскай вобласці.