У Камітэце дзяржкантролю Магілёўскай вобласці на пастаянным кантролі знаходзіцца пытанне эфектыўнага выкарыстання дзяржаўных сродкаў пры ўзвядзенні сацыяльна-значных аб’ектаў.

Як паказалі праведзеныя ў 2018 годзе і студзені-сакавіку 2019 года кантрольныя мерапрыемствы, завышэнні кошту будаўніцтва аб’ектаў рознага прызначэння ў вобласці пакуль не выкаранены. Кантралюючымі органамі па-ранейшаму працягваюць выяўляцца парушэнні ў гэтай сферы.

Па прапанове Камітэта па 11 аб’ектах будаўніцтва, пабудаваных у 8 рэгіёнах вобласці (у г. Магілёў, Быхаўскім, Кіраўскім, Касцюковіцкім, Круглянскім, Магілёўскім, Мсціслаўскім, Шклоўскім раёнах), удзельнікамі будаўніцтва вернута ў бюджэт каля 75 тыс. рублёў завышэнняў .

За дапушчаныя парушэнні заканадаўства 10 арганізацый і 16 іх службовых асоб прыцягнуты Камітэтам да адміністрацыйнай адказнасці на 29,1 тыс. рублёў.

У ходзе праведзеных банкамі кантрольных абмераў завышэнні кошту будаўніцтва з прыцягненнем ільготных крэдытных рэсурсаў выяўлены больш чым на 25 аб’ектах на агульную суму 1,1 млн рублёў.

                              Алег САДОЎСКІ,

                              старшыня Камітэта дзяржкантролю

            Магілёўскай вобласці.