Прэвентыўны нагляд устанаўліваецца за раней судзімымі грамадзянамі для назірання за іх паводзінамі, папярэджання з іх боку злачынстваў і аказання на іх прафілактычнага ўздзеяння.

У адпаведнасці з ч 4 арт. 80 Крымінальнага Кодэкса Беларусі, прэвентыўны нагляд можа быць устаноўлены за чалавекам, які быў асуджаны за ўчыненне цяжкага ці асабліва цяжкага злачынства, або судзімым два ці больш разоў і пакараным пазбаўленнем волі за любыя наўмысныя злачынствы.

У ліпені 2020 года пасля адбыцця тэрміну пакарання ў выглядзе пазбаўлення волі на тэрыторыю наша раёна прыбыў грамадзянін К., раней неаднаразова судзімы. У сувязі з тым, што ў перыяд адбыцця пакарання К. злосна парушаў устаноўлены парадак, яму прызначылі ўсталяваны прэвентыўны нагляд тэрмінам на 6 месяцаў.

Пры пастаноўцы на ўлік у крымінальна-выканаўчай інспекцыі РАУС грамадзяніну К. былі растлумачаны яго правы і абавязкі, а таксама ён быў папярэджаны аб адміністрацыйнай і крымінальнай адказнасці за невыкананне патрабаванняў прэвентыўнага нагляду.

Аднак чалавек належных высноў для сябе не зрабіў, не з’яўляўся на рэгістрацыю ў РАУС без уважлівых прычын, а таксама адсутнічаў у начны час па месцы жыхарства.

За гэтыя парушэнні К. неаднаразова прыцягваўся да адміністрацыйнай адказнасці, а ў лютым бягучага года ў дачыненні да яго была ўзбуджана крымінальная справа па арт. 421 КК РБ за невыкананне патрабаванняў прэвентыўнага нагляду.

Санкцыя гэтага артыкула прадугледжвае пакаранне ў выглядзе арышту або пазбаўленне волі на тэрмін да аднаго года.

Вольга КОРШУНАВА,

інспектар КВІ РАУС.