У нядзелю, 1 верасня, ДТЗ са смяротным зыходам адбылося непадалёку ад райцэнтра на аўтадарозе Быхаў – Бялынічы.

Вадзіцель аўтамабіля “Рэно”, у якім ехалі двое пасажыраў, не справіўся з кіраваннем, з’ехаў у правы кювет і сутыкнуўся з дрэвам.

У выніку трагедыі загінула маладая дзяўчына, якая знаходзілася на заднім сядзенні. Вадзіцель і мужчына-пасажыр атрымалі траўмы і шпіталізаваны.

Па папярэдняй інфармацыі вадзіцель знаходзіўся ў стане алкагольнага ап’янення. АДАІ РАУС праводзіцца разбіральніцтва.

Аляксандр ЕМЯЛЬЯНАЎ,

інспектар АДАІ РАУС.