Папярэджанне дзіцячага траўматызму з’яўляецца адным з асноўных прафілактычных напрамкаў у дзейнасці органаў унутраных спраў.

Дзеці вельмі дапытлівыя, але інстынкт самазахавання ў іх развіты не так, як у дарослых. Адсюль і павышаны працэнт траўматызму менавіта ў дзіцячым узросце.

Прафілактыка гэтых непрыемнасцей павінна пачынацца з бацькоў, бо самы траўманебяспечны перыяд у малых да 3 гадоў. У гэты час дзеці атрымліваюць больш удараў, апёкаў, заглынаюць староннія прадметы, у тым ліку і таблеткі, якія дарослыя пакідаюць у даступных месцах. Галоўная прычына дзіцячых траўм – нядбалае стаўленне бацькоў да бяспекі дзіця. Самыя распаўсюджаныя іх памылкі – незачыненыя вокны, лёгкі доступ да небяспечных прадметаў, рэчываў, калі дзеці застаюцца без нагляду і інш. Вялікай праблемай становіцца падзенне з вышыні, дрэў, турнікоў, збудаванняў і інш. Нярэдка ўсё заканчваецца цяжкімі наступствамі. Асноўныя меры прафілактыкі дзіцячага траўматызму ведаць і выконваць павінен кожны.

Паважаныя бацькі! Вучыце дзіця бяспецы з самага ранняга ўзросту: праводзьце гутаркі, распавядайце пра траўмы і іх наступствы. Чым меншае дзіця па ўзросце, тым больш часу яго нельга выпускаць з віду. Заўсёды будзьце ўпэўненыя і правярайце, каб вострыя прадметы, сродкі бытавой хіміі, кіпень, агонь і іншыя небяспечнасці былі недаступнымі для дзяцей.

Правярайце веды школьнікаў аб правілах дарожнага руху, паводзінах на вуліцы, бяспецы ў школе і спартыўных секцыях.

Па кожным факце аказання медыцынскай дапамогі малалетняму супрацоўнікі ІСН РАУС праводзяць праверку ў парадку крымінальна-працэсуальнага заканадаўства.

Трэба памятаць, што пазбегнуць дзіцячага траўмавання нашмат прасцей, чым выпраўляць яго сумныя наступствы. Прафілактыка дзіцячага траўматызму павінна стаць часткай вашага ладу жыцця, і тады вашы дзеці будуць максімальна абароненыя ад небяспекі.

                            Святлана ПАТАПЕНКА,

                            спецыяліст ІСН РАУС.