Вера Міхайлаўна была абурана несправядлівасцю. Новы год не тое, што ступіў на парог, дык ужо па-гаспадарску разваліўся на канапе, але абяцаных падарункаў так і не ўручыў. А Верачка так старалася, так старалася, у яе нават сківіцы звяло, калі яна пад бой курантаў спрабавала пражаваць альбомны ліст, дробна спісаны жаданнямі. І шампанскім запіла!

– Любачка, я ж зрабіла ўсё, каб з гэтага года ў мяне пачалося новае жыццё! Каб я пахудзела, каб грошы былі, каб з мужам не лаялася, – скардзілася сяброўцы Вера Міхайлаўна. Смакуючы шакаладныя цукеркі з салодкай гарбатай – трэба ж падымаць настрой – жанчына горка ўздыхнула і пачала раскрываць душу…

Вера рыхтавалася да Новага года загадзя. Узброілася парадамі спецыялістаў, якія горда называюць сябе чорна-белымі ведзьмакамі, што практыкуюць магію на даму. І не таму, што хаваліся ад падатковай, проста так яны да людзей бліжэй! Пракансультавалася з астролагамі і таролагамі – абсалютна бясплатна. Праўда, потым яна грошы ім на карту ўсё ж перавяла, дык гэта добраахвотна, людзі ж дапамагчы хацелі, нядобра крыўдзіць!

Падрабязны матэрыял чытайце ў раённай газеты ад 18 студзеня 2023 года.