Днямі Бялыніччыну наведала старшыня Цэнтральнага камітэта прафсаюза работнікаў адукацыі і навукі Таццяна ЯКУБОВІЧ.

У рамках візіту разам с кіраўніком абкама галіновага прафсаюза Людмілай СТАРАСЦІНАЙ прафсаюзны лідар азнаёмілася з кірункамі працы прафсаюзных пярвічак          МЦ “Ветразь” і Цэнтра карэкцыйнага навучання і рэабілітацыі, а таксама сустрэлася з кіраўнікамі пярвічак устаноў адукацыі              раёна.

У актавай зале Цэнтра па забеспячэнні дзейнасці бюджэтных арганізацый калегі абмеркавалі надзённыя пытанні адукацыйнай сферы раёна, вобласці і рэспублікі ў цэлым. У прыватнасці яны тычыліся плануемых змен у Кодэксе Беларусі аб адукацыі і Указ № 27 “Аб аплаце працы работнікаў бюджэтных арганізацый”, якія мусяць ліквідаваць выяўленыя за час яго дзеяння недахопы.

Падчас дыялогу, які атрымаўся сапраўды адкрытым і шчырым, гаварылі і аб аплаце працы маладых спецыялістаў, выдатках на метадычную літаратуру, кампенсуючых і стымулюючых калектыўным дагаворам  і іншымі нарматыўнымі дакументамі даплатах.

                            Вольга НАБОКАВА.

            Фота Аліны ЦЫГАНІЙ.