У  РАУС урачыста праводзілі на заслужаны адпачынак старшага оперупаўнаважанага АКВ, маёра міліцыі Андрэя ГАРБУЗАВА.

Без малага чвэрць стагоддзя аддаў Андрэй Анатольевіч службе ў крымінальным вышуку, а агульны стаж яго службы ў органах унутраных спраў складае больш за 28 гадоў.

Цёплыя словы падзякі за службу адрасавалі яму начальнікі РАУС Дзмітрый ПАЎЛОВІЧ, РАСК – Дзмітрый НАЛІВАЙКА, міжрайаддзела ДКСЭ – Дзяніс ВІННІКАЎ, АКВ райаддзела міліцыі – Аляксандр БАЛДЫШЭЎСКІ, калегі, ужо былыя, і ветэраны службы.

– Прынцыповасць і настойлівасць Андрэя Гарбузава пры выкананні даручаных яму задач павінна служыць прыкладам сённяшняму маладому пакаленню супрацоўнікаў крымінальнага вышуку, – адзначыў Дзмітрый Налівайка. – За ўвесь час агульных стасункаў па рабочых пытаннях чуў толькі станоўчыя водгукі на адрас Андрэя Анатольевіча. І не толькі ад яго калег, але і ад саміх злачынцаў.

Такую павагу можна заслужыць толькі ўзорным выкананнем службовых абавязкаў.

Начальнік РАУС уручыў віноўніку ўрачыстасці прывітальны адрас, пенсійнае пасведчанне, кветкі і каштоўны падарунак ад калектыву райаддзела міліцыі. 

                                                                                                                                                                   Святлана МАГІЛЕЎЧЫК.  

Фота аўтара.