У рамках падрыхтоўкі да Дня беларускага пісьменства, які пройдзе ў нашым горадзе ў 2020 годзе, раённая бібліятэка пераехала на новае месца. Цяпер яна працуе ў будынку кінатэатра “Зорка”, па адрасе вул. Ленінская, 55.

Як распавяла в.а. дырэктара цэнтралізаванай бібліятэчнай сеткі Жанна САНЬКОВА, памяшканне, дзе раней была бібліятэка, не падлягае далейшай эксплуатацыі, а новае месца для кніжнага храма выбралі невыпадкова. Па цяперашнім адрасе бібліятэка стане яшчэ больш даступнай для жыхароў райцэнтра. Таксама тут стала больш магчымасцей праводзіць цікавыя мерапрыемствы для дзяцей і дарослых.  Плануецца, што кінатэатр у спалучэнні з храмам кнігі стане сапраўдным духоўным медыяцэнтрам па выхаванні высокіх маральных каштоўнасцей у бялынічан і гасцей горада.

Па новым адрасе бібліятэка працуе з 1 лістапада ў звычайным рэжыме, з 9.00 да 18.00.

Бібліятэкары шчыра запрашаюць чытачоў наведваць установу.

       Аліна ЦЫГАНІЙ.

         Фота аўтара.