Учора Прэзідэнт Беларусі Аляксандр Лукашэнка звярнуўся са штогадовым Пасланнем да беларускага народа і Нацыянальнага сходу.

На мерапрыемства, якое традыцыйна прайшло ў Авальнай зале Дома ўрада, былі запрошаны вышэйшыя службовыя асобы краіны, члены ўрада, кіраўнікі органаў дзяржкіравання, буйнейшых прадпрыемстваў, ВНУ і банкаў, прадстаўнікі дыпламатычнага корпуса, СМІ.

Сёлета сярод запрошаных у Авальную залу была асабліва шырока прадстаўлена беларуская грамадскасць. У іх ліку дэпутаты мінулых скліканняў, прадстаўнікі беларускіх грамадскіх аб’яднанняў ветэранаў, “Белая Русь”, Саюза жанчын, студэнты ВНУ (у тым ліку і прадстаўнікі БРСМ), курсанты ваенных навучальных устаноў, журналісты рэгіянальных СМІ.

У Пасланні канцэптуальна адлюстраваны асноўныя акцэнты ў сацыяльна-эканамічным развіцці краіны на цяперашнім этапе. Змест Паслання, у тым ліку, вызначаецца, зыходзячы з аналізу зваротаў, што паступілі перад “Вялікай размовай з Прэзідэнтам” 1 сакавіка бягучага года. Кожны з такіх зваротаў быў дасканала вывучаны і прапрацаваны.

Выступленне Аляксандра Лукашэнкі трансліравалася ў прамым эфіры па тэлеканалах “Беларусь 1”, “Беларусь 24” і Першым нацыянальным канале Беларускага радыё. Тэлеверсія Паслання была паказана ў вячэрнім эфіры беларускіх тэлеканалаў.

Міхась КАРПЕЧАНКА.

Больш падрабязна пра гэту падзею чытайце ў наступным нумары газеты і на нашым сайце www.zara.by.