У зале раённага выканаўчага камітэта адбылася чарговая, XXXVI, сесія раённага Савета дэпутатаў 28 склікання. Сярод іншых пытанняў, вынесеных на парадак дня, было абранне дэлегатаў ад Бялыніцкага раёна на VI Усебеларускі народны сход, які запланаваны на 11-12 лютага 2021 года.

Як паведаміла, звяртаючыся да прысутных, начальнік аддзела арганізацыйна-кадравай работы райвыканкама Алена ЯРМОЛЕНКА, днём раней было праведзена сумеснае пасяджэнне прэзідыума раённага Савета дэпутатаў і раённага арганізацыйнага камітэта па падрыхтоўцы і правядзенні Усебеларускага народнага сходу, на якім вывучаны ўсе кандыдатуры для вылучэння ў склад яго ўдзельнікаў і сфарміраваны асноўны і рэзервны спісы длявыбрання дэлегатаў сходу.

Адзінагалосна шляхам адкрытага галасавання прысутнымі дэпутатамі абраны дэлегатамі на Усебеларускі народны сход дэпутаты раённага і сельскіх Саветаў дэпутатаў: трактарыст-машыніст СВК «Калгас «Радзіма» Мікалай ДАРЭЧКІН, брыгадзір па жывёлаводстве СВК «Калгас «Радзіма» Людміла ДЗЕНІСОВІЧ, галоўны ўрач райЦГЭ Алена ДАМАРАЦКАЯ, сацыяльны работнік РЦСАН Наталля ПАДДУБСКАЯ, дырэктар ПМК-241 Уладзімір РАМАНЕНКА, старшыня райсавета дэпутатаў Андрэй САЛАНІНКА, пенсіянер Аляксандр ЮШКЕВІЧ.

Падрабязную справаздачу з сесіі раённага Савета дэпутатаў чытайце ў наступным нумары «Зарынад Друццю».

Нагадаем, 28 снежня Прэзідэнт Беларусі Аляксандр ЛУКАШЭНКА на нарадзе па падрыхтоўцы
Усебеларускага народнага сходу паведаміў аб пачатку адбору дэлегатаў на «народнае веча» з аўторка, а таксама падпісаў адпаведны указ.

Вольга НАБОКАВА.