Работнікі культуры адзначылі сваё прафесійнае свята

Яны захоўваюць і прымнажаюць духоўныя і маральныя каштоўнасці, народныя традыцыі, дораць людзям радасць і добры настрой, дапамагаюць раскрываць творчыя таленты дзяцей і дарослых. Клубныя работнікі, бібліятэкары, музыканты, рамеснікі, работнікі мастацкага музея і кінатэатра, творчых калектываў, выкладчыкі дзіцячай школы мастацтваў – прадстаўнікі ўсіх устаноў культуры раёна ў мінулую пятніцу сабраліся ў РЦК, каб урачыста адзначыць сваё прафесійнае свята – Дзень работнікаў культуры.

кул1

Урачыстую сустрэчу адкрыла намеснік старшыні райвыканкама Ірына ФУРСАВА. Яна павіншавала работнікаў і ветэранаў працы сферы культуры раёна з прафесійным святам, выказала словы падзякі за высокапрафесійныя адносіны і адданасць               сваёй справе, пажадала дасягаць новых творчых поспехаў.

За шматгадовую добрасумленную працу, ініцыятыўную і творчую дзейнасць Ірына Фурсава ўручыла Ганаровую грамату райвыканкама бібліятэкару аддзела абслугоўвання і інфармацыі цэнтральнай раённай бібліятэкі Алене ГРЫБАЙЛАВАЙ, за значны ўклад у развіццё культуры і мастацтва раёна, актыўную канцэртную дзейнасць – Падзячнае пісьмо райвыканкама настаўніку па класе акардэона раённай ДШМ Ларысе ХАРТАНОВІЧ.

Цёплыя словы на адрас работнікаў культуры выказалі старшыня раённага аб’яднання прафсаюзаў, якія ўваходзяць у ФПБ, Святлана ПАТАПЧЫК, начальнік аддзела ідэалагічнай работы, культуры і па справах моладзі райвыканкама Іна ІГНАТОВІЧ, галоўны бухгалтар Магілёўскай абласной арганізацыі Беларускага прафсаюза работнікаў культуры, інфармацыі, спорту і турызму Наталля ДЖАФАРАВА, а таксама дэлегацыя горада-пабраціма Рыльска Курскай вобласці на чале з начальнікам аддзела культуры адміністрацыі Рыльскага раёна Марынай КАСЫМАВАЙ.

Ганаровымі граматамі абласной арганізацыі прафсаюза работнікаў культуры, інфармацыі, спорту і турызму за шматгадовую добрасумленную працу і высокае майстэрства адзначаны начальнік аддзела ідэалагічнай работы, культуры і па справах моладзі райвыканкама Іна Ігнатовіч, начальнік групы цэнтралізаванага гаспадарчага абслугоўвання Сяргей МЯСНІКАЎ і намеснік галоўнага бухгалтара гэтага аддзела Лілія ГАРБУЗАВА.

Ганаровымі граматамі Федэрацыі прафсаюзаў Беларусі ўзнагароджаны бібліятэкар Ланькаўскай сельскай бібліятэкі-філіяла Святлана САХАРАВА і кіраўнік узорнага вакальнага ансамбля “Акварэлькі” Ірына КОСЦІНА.

кул5

Шэраг работнікаў галіны культуры былі заахвочаны граматамі і падзячнымі пісьмамі аддзела ідэалагічнай работы, культуры і па справах моладзі райвыканкама.

кул3

Марына Касымава перадала прывітальны адрас ад кіраўніцтва адміністрацыі Рыльскага раёна старшыні райвыканкама Анатолю ШЧУПЛЯНКОВУ, а удзельнікі дэлегацыі дапоўнілі выступленні бялыніцкіх майстроў сцэны сваімі канцэртнымі нумарамі.

Андрэй СУПІТАЛЁЎ.

Фота аўтара.

Добавить комментарий

Ваш e-mail не будет опубликован. Обязательные поля помечены *