Прымаюць недастатковыя меры

На пасяджэнні калегіі Камітэта дзяржкантролю Магілёўскай вобласці разгледжаны вынікі аўдыту эфектыўнасці выкарыстання бюджэтных сродкаў, прадугледжаных на арганізацыю харчавання пацыентаў ва ўстановах аховы здароўя.

Калегіяй адзначана, што органамі і ўстановамі аховы здароўя прымаюцца недастатковыя меры па павышэнні эфектыўнасці выкарыстання бюджэтных сродкаў у гэтай сферы.

Ва ўсіх падвергнутых кантролю ўстановах выяўлены парушэнні пры ажыццяўленні закупак прадуктаў харчавання, якія прывялі да залішніх выплат бюджэтных сродкаў. Дапускаліся выпадкі прыгатавання ежы для пацыентаў, якія ўжо выпісаліся ці часова адсутнічалі, не выконваліся натуральныя нормы прадуктаў харчавання, рацыёны, парушалася тэхналогія прыгатавання страў.

Па выніках пасяджэння калегіі звернута ўвага мясцовых органаў улады і кіравання на неабходнасць узмацнення кантролю за эфектыўным выкарыстаннем бюджэтных сродкаў пры арганізацыі харчавання пацыентаў у стацыянарах вобласці, аператыўнай ліквідацыі сістэмных парушэнняў у гэтай сферы.

    Юрый ФРАЛОЎ,

    першы намеснік старшыні Камітэта

                        дзяржкантролю Магілёўскай вобласці.

Добавить комментарий

Ваш e-mail не будет опубликован. Обязательные поля помечены *