Выкарыстанне дзяржаўнай маёмасці

Калегія дзяржкантролю заслухала кіраўнікоў мясцовых органаў улады і кіравання па ўвядзенні ў гаспадарчы абарот невыкарыстоўваемай дзяржаўнай маёмасці.

На пасяджэнні калегіі Камітэта дзяржкантролю Магілёўскай вобласці разгледжаны праблемныя пытанні ўключэння ў гаспадарчы абарот невыкарыстоўваемых аб’ектаў нерухомасці, якія належаць дзяржаве, колькасць якіх за 2018 год скарацілася толькі на 56 працэнтаў ад запланаванага.

Пры гэтым асобнымі выканкамамі не выкарыстоўвалася прадастаўленая заканадаўствам магчымасць іх продажу грамадзянам на аўкцыёнах з пачатковай цаной, роўнай адной базавай велічыні, з умовай рэканструкцыі пад жыллё і для вядзення падсобнай гаспадаркі. Недастаткова актыўна асвятляліся магчымасці перадачы такіх аб’ектаў бізнесу на льготных умовах (у карыстанне пад стварэнне працоўных месцаў, бязвыплатна ва ўласнасць пад рэалізацыю інвест-праектаў альбо ў выглядзе ўнясення маёмасці ў статутныя фонды), у тым ліку шляхам размяшчэння рэкламы ў ключавых СМІ і на папулярных інтэрнэт-рэсурсах.

Аляксей ІГЛІКАЎ,

намеснік старшыні

Камітэта дзяржкантролю

Магілёўскай вобласці.