Прамы шлях да пажараў

Штогод з надыходам вясны некаторыя “гаспадары” пачынаюць выпальваць сухую траву, што часта прыводзіць да пажараў. Гаспадары домаўладанняў і дачнікі пасля зімы стараюцца навесці парадак на прысядзібнай тэрыторыі: паляць смецце, сухую траву і старое лісце, не задумваючыся аб наступствах.

Нягледзячы на тое, што супрацоўнікі РАНС ужо неаднаразова тлумачылі, наколькі гэта небяспечна, сітуацыя з паламі застаецца актуальнай.
Толькі за мінулыя выхадныя ў нашай краіне адбыліся 94 пажары ў выніку спальвання сухой травы і смецця.
На жаль, не ўсе задумваюцца аб наступствах і недаацэньваюць ступень небяспекі выпальвання сухой расліннасці. Трэба памятаць, што гэта з’яўляецца пагрозай жыццю і маёмасці не толькі падпальшчыка, але і іншым грамадзянам, лясным масівам.

Перш чым паднесці падпаленую запалку да сухастою, ведайце, што, згодна з артыкулам 15.57 КаАП РБ, за выпальванне сухой расліннасці, траў на корані, а таксама пажніўных рэшткаў на палях або непрыняцце мер па ліквідацыі выпальванняў, віноўнікі прыцягваюцца да адміністрацыйнай адказнасці ў выглядзе штрафу ад 10 да 40 базавых велічынь.
Так, у мінулыя выхадныя жыхарка в. Мокравічы за невыкананне мер бяспекі пры спальванні травы паплацілася ўласным бюджэтам – яна заплаціць штраф у памеры 10 бв.
Таксама развядзенне вогнішчаў у забароненых месцах цягне папярэджанне або накладанне штрафу да 12 базавых велічынь (ст.15. 58 КаАП РБ).

МНС нагадвае, што для бяспечнага распальвання вогнішча і
спальвання смецця неабходны наступныя ўмовы:
– зацішнае надвор’е,
– ёмістасць з вадой аб’ёмам не менш за 10 л;
– ачышчаная ад верхняга слою глебы пляцоўка (шырынёй не менш за 0, 25 м), адлегласць ад якой павінна быць не менш за 10 м да будынкаў, 20 м – да ляснога масіву і 30 м – да сціртаў сена і
саломы.

Настойліва рэкамендуем выконваць наступныя правілы:
– не кідайце падпаленыя запалкі і недакуркі паблізу смецця, зараснікаў і ў лесапаласе;
– не падпальвайце сухую траву і чарот, не пакідайце патухлае вогнішча без нагляду ў непасрэднай блізкасці ад дамоў і гаспадарчых пабудоў;
– пры выяўленні прыроднага пажару паспрабуйце спыніць яго ўласнымі сіламі і абавязкова паведаміце пра здарэнне па тэлефонах 101 ці 112;
– правядзіце гутарку з дзецьмі і растлумачце, што ні ў якім разе нельга самастойна распальваць вогнішча, кідаць у яго невядомыя прадметы і аэразольныя балончыкі, якія могуць прывесці да выбуху.

Кацярына ЛЮБІВАЯ,
інспектар ГПіУГ РАНС.

Print Friendly, PDF & Email