Лепей самому пазбавіцца

8 студзеня 2018 года былі ўнесеныя змены і дапаўненні ў Кодэкс Беларусі аб адміністрацыйных правапарушэннях, у тым ліку і ў артыкул 15.36 “Незаконныя выраб, набыццё, захоўванне або збыт прылад здабычы рыбы і іншай воднай жывёлы”.

Згодна з ім, незаконныя выраб, набыццё, захоўванне або збыт прылад здабычы рыбы і іншай воднай жывёлы, прынцыпы дзеяння якіх заснаваныя на выкарыстанні электрамагнітнага поля, гуку і іншых фізічных эфектаў, а роўна і незаконныя збыт або захоўванне рыбалоўных сетак або сеткаматэрыялаў, цягнуць накладанне штрафу на фізічную асобу ў памеры ад 5 да 50 базавых велічынь з канфіскацыяй прадмета адміністрацыйнага правапарушэння або без яе.

З 20 сакавіка супрацоўнікі Дзяржаўнай інспекцыі аховы жывёльнага і расліннага свету праводзяць маштабную кампанію па канфіскацыі браканьерскіх сетак. Грамадзянам прапануецца добраахвотна здаць наяўныя ў іх сеткі, сеткаматэрыялы і сеткавыя прылады. Пры гэтым, прыцягвацца да адказнасці за захоўванне забароненых прылад рыбалоўства яны не будуць.

Грамадзяне могуць асабіста здаць забароненыя прылады рыбалоўства ў абласную або міжраённыя інспекцыі аховы жывёльнага і расліннага свету альбо паведаміць аб захоўванні такіх прылад па тэлефонах даверу 80222-274000, 8022-310986, якія працуюць кругласутачна. У дадзеным выпадку супрацоўнікі інспекцыі для канфіскацыі незаконных прылад лоўлі прыедуць у зручны для грамадзяніна час.

                                            Сяргей РАДКЕВІЧ,

                                            намеснік начальніка Магілёўскай

                                               аблінспекцыі АЖіРС.  

Print Friendly, PDF & Email