Краў і не чырванеў

Жыхар вёскі Банькі, што на Кругляншчыне, К., бацька дваіх малалетніх дзяцей, які на працягу апошніх трох гадоў нідзе не працаваў, вырашыў зарабіць на жыццё злачынным шляхам.

З восені 2015 па лістапад 2018 года на тэрыторыі нашага раёна ён зрабіў шэраг крадзяжоў маёмасці з дамоў і лецішчаў. Краў і заставаўся беспакараным. Але, як гаворыцца, колькі вяровачцы ні віцца, канец усё роўна будзе. Так адбылося і з гэтым мужчынам, які ў лістападзе мінулага года рашыўся на чарговы крадзёж прадуктаў харчавання з прыватнай крамы ў аг. Галоўчын. Але на гэты раз на месцы злачынства ён забыў уласныя рэчы. Па гэтых слядах і ўдалося яго выявіць.

Як высветлілася пазней, толькі на тэрыторыі Круглянскага раёна ён  зрабіў 10 крадзяжоў і “пагаспадарыў” таксама ў суседніх раёнах.

Злодзей асуджаны судом Круглянскага раёна да двух гадоў пазбаўлення волі.

                                                                                Алена ЯЦКОВА,

                                                                                  следчы РАСК.