Яшчэ большае пакаранне
Да пазбаўлення волі на паўтара года прыгавораны раённым судом бялынічанін Ж. па арт. 415 КК РБ.
Ж. быў асуджаны па розных артыкулах крымінальнага кодэкса РБ у 2008, 2010, 2017, 2018 гадах. Апошні раз ён быў прыгавораны да пакарання ў выглядзе абмежавання волі тэрмінам на два з паловай гады. Аднак усе патрабаванні крымінальна-выканаўчай інспекцыі ён неаднаразова парушаў. Без уважлівых прычын адсутнічаў па месцы жыхарства ў недазволены час, знаходзіўся ў стане алкагольнага ап’янення ў РАУС, спрабаваў учыніць бойку ў Магілёве таксама ў п’яным выглядзе, без дазволу крымінальна-выканаўчай інспекцыі РАУС зволіўся з працы. За пералічаныя парушэнні ў адносінах да Ж. прымалася мера спагнання ў выглядзе вымовы. У лістападзе яму было вынесена афіцыйнае папярэджанне аб крымінальнай адказнасці за ўхіленне ад адбывання пакарання, але і гэта не паўздзейнічала. Ён працягваў парушаць устаноўлены рэжым, за што і быў асуджаны. Абцяжарваючай абставінай з’явілася тое, што ў Ж. ёсць непагашаная судзімасць. Таксама ён знаходзіцца на ўліку ва ўрача псіхіятра-нарколага ЦРБ.
Ігар БЕЛЬСКІ,
старшы следчы РАСК.