Выявілі шэраг парушэнняў
У выніку праведзенай Камітэтам дзяржкантролю Магілёўскай вобласці праверкі МГКУП “Упраўленне камунальных прадпрыемстваў” выяўлены шэраг парушэнняў заканадаўства пры ажыццяўленні ім функцый заказчыка на будаўніцтва за кошт бюджэтных сродкаў асобных дзяржаўных аб’ектаў у Магілёве.
На прадпрыемстве спынена неэфектыўнае выкарыстанне бюджэтных сродкаў пры выкананні мерапрыемстваў па паскоранай замене ліфтаў. У выніку, па 44 такіх аб’ектах дасягнута эканомія каштарыснай вартасці замены 92 пасажырскіх ліфтаў на агульную суму 384,1 тыс. рублёў.
Арганізацыяй дапушчаны завышэнні кошту аб’ектаў замены ліфтаў і добраўпарадкавання Магілёва на 81,7 тыс. рублёў, эксплуатацыя не прынятых ва ўстаноўленым парадку шэрагу такіх аб’ектаў, парушэнне па асобных з іх правілаў зацвярджэння праектна-каштарыснай дакументацыі, незабеспячэнне належнага ўліку зваротных матэрыялаў ад разборкі старога ліфтавага абсталявання.
Па выніках праверкі Камітэтам разглядаецца пытанне аб прыцягненні МГКУП “Упраўленне камунальных прадпрыемстваў” і яго службовых асоб да адміністрацыйнай адказнасці.
Юрый ФРАЛОЎ,
першы намеснік старшыні
Камітэта дзяржкантролю
Магілёўскай вобласці.