Гарачая лінія
Камітэт дзяржаўнага кантролю ажыццяўляе кантроль за выкананнем даручэння Кіраўніка дзяржавы, якое прадпісвае забяспечыць прывядзенне ў парадак школьных стадыёнаў, спартыўных пляцовак і веладарожак.
У мэтах комплекснага і ўсебаковага вывучэння ходу выканання названага даручэння ў КДК Магілёўскай вобласці 22 і 23 ліпеня будуць праведзены гарачыя лініі з насельніцтвам на тэму: “КДК вывучае стан школьных стадыёнаў, спартыўных пляцовак і веласіпедных дарожак у населеных пунктах Магілёўскай вобласці”.
У згаданыя дні жыхары вобласці з 10.00 да 13.00 і з 14.00 да 17.00 па тэлефоне 25-87-47 могуць паведаміць спецыялістам КДК, у тым ліку ананімна, інфармацыю пра месцазнаходжанне стадыёнаў, баскетбольных і валейбольных пляцовак, сеткаватых агароджаў, плоскасных спартыўных збудаванняў, бегавых і веладарожак, якія патрабуюць правядзення рамонтных работ. Атрыманая інфармацыя будзе выкарыстана для аналізу і правядзення дзяржаўнымі кантралёрамі адпаведных мерапрыемстваў.
Аналагічную інфармацыю з дадаткам фота, відэаматэрыялаў можна накіраваць Камітэту дзяржкантролю па электроннай пошце kgkmogilev@mail.belpak.by.
