Аб бяспецы цікава і даступна

Прыцягнуць грамадскасць да праблемы ўзнікнення надзвычайных сітуацый і дзіцячага траўматызму на іх – вельмі важная задача.

Ратавальнікі бесперапынна шукаюць новыя рашэнні і спосабы данесці да жыхароў раёна важнасць выканання правілаў бяспекі.

Аднак, галоўная складанасць у тым, што зрабіць гэта неабходна ў максімальна простай і даступнай форме.

Адным з самых арыгінальных, а разам з тым і эфектыўных спосабаў расказаць пра бяспеку проста, даступна і ярка з’яўляецца графіці. Гэты від вулічнага мастацтва паспеў стаць адным з самых дзейсных у практыцы ратавальнікаў.

Нядаўна яркае графіці (на здымку) з’явілася на будынку Эсьмонскага ВПК ДС СШ. Арыгінальная карцінка прыцягвае ўвагу не толькі дзяцей і дарослых, але і нагадвае нумар службы выратавання.

                                                   Кацярына ЛЮБІВАЯ,

         інспектар ГПіУГ РАНС.

Print Friendly, PDF & Email