Парушэнні яшчэ маюцца
Супрацоўнікі інспекцыі нагляду і прафілактыкі РАНС перад пачаткам новага навучальнага года правялі абследаванне супрацьпажарнага стану аб’ектаў адукацыі раёна.
Выяўлены шэраг парушэнняў:
– У Эсьмонскім ВПК ДС СШ у памяшканні бібліятэкі электрычныя лямпы не абсталяваны ахоўнымі плафонамі.
– У Машчаніцкай СШ і Цяхцінскім ВПК ДС СШ металічная агароджа на даху знаходзіцца ў няспраўным стане.
– У Іскраўскай БШ двое дзвярэй эвакуацыйных выхадаў не абсталяваны лёгкаадкрывальнымі замкамі.
– У Галоўчынскай СШ у будынку склада размешчана ацяпляльная печ, у якой адсутнічае заводская запорная прылада топачных дзверцаў і ў якасці коміна ўстаноўлена азбестацэментная труба.
– У СШ № 2 райцэнтра будынкі гаражоў выкарыстоўваюцца не па прамым функцыянальным прызначэнні.
– У дзіцячых яслях-садзіку ў Вялікай Машчаніцы дзверы, якія вядуць на лесвічную клетку, не абсталяваныя лёгкаадкрывальным замком.
Да пачатку навучальнага года ўстановам адукацыі неабходна ліквідаваць усе гэтыя парушэнні.
Кацярына ЛЮБІВАЯ,
інспектар ГПіУГ РАНС.