У мінулыя выхадныя будаўнікі адзначылі сваё прафесійнае свята
У мінулыя выхадныя прафесійнае свята адзначылі прадстаўнікі самай мірнай прафесіі – будаўнікі. Праца іх – няспынная творчасць дзеля росквіту любімай краіны і яе грамадзян, яна дорыць людзям радасць наваселля, робіць наш быт камфортным і шчаслівым.
Вядучаму будаўнічаму прадпрыемству раёна – ДУК ДБП “ПМК-241” – ёсць чым ганарыцца: усе знакавыя аб’екты Прыдруцкага краю, раённы Цэнтр культуры, РАНС, праваслаўная царква, комплексы жылых дамоў, жывёлагадоўчыя аб’екты, пабудаваны іх працавітымі рукамі. З нагоды іх прафесійнага свята ў вялікай зале РЦК сабраліся працаўнікі ПМК-241, іх блізкія, ветэраны працы і шматлікія госці.
Пра дасягненні будаўнічай галіны ў першым паўгоддзі 2019 года быў паказаны відэафільм.
Першым віншаванні будаўнікам адрасаваў дырэктар арганізацыі Уладзімір РАМАНЕНКА. Ён адзначыў, што кожнае дасягненне – гэта карпатлівая праца многіх людзей, а якасць будаўніцтва – унёсак іх прафесіяналізму, адказнасці пры выкананні працоўных абавязкаў. Цёплыя словы ўсім працаўнікам ПМК-241 і асабліва жанчынам выказала намеснік старшыні райвыканкама Ірына ФУРСАВА. Ад беларускага Саюза жанчын яна ўручыла каштоўныя падарункі Валянціне СІНЬКОЎСКАЙ, Алене ШЛЕМАКОВАЙ і Людміле БАРАНОЎСКАЙ, Наталлі ПАРАШКОВАЙ.
З прафесійным святам і 61-годдзем утварэння арганізацыі будаўнікоў павіншаваў старшыня райсавета дэпутатаў Андрэй ГАНЧУК. Ён прапанаваў цікавую ідэю стварэння музея ПМК-241.
– Упэўнены, што вам будзе што паказаць і чым пахваліцца! – дадаў Андрэй Аляксандравіч. Старшыня райсавета дэпутатаў таксама далучыўся да прыемнай цырымоніі ўзнагароджання. Ганаровыя граматы райвыканкама і грашовыя прэміі атрымалі начальнік участка Мікалай КОЗЫРАЎ, плітачнік Дзмітрый ЦЫРКУНОЎ, Ганаровыя граматы і грашовыя прэміі ДУКВП “Магілёўаблсельбуд” Андрэй Ганчук уручыў машыністу аўтакрана Сяргею ВОНСЕЛЕВУ, электрагазазваршчыку Сяргею КАСЦІЦКАМУ, мулярам Валерыю ГРЫШКОВУ і Васілю АРЛОЎСКАМУ, плітачніку Аляксандру ГАЛЕНДУХІНУ.
Ганаровыя граматы Магілёўскага абласнога аб’яднання прафсаюзаў і грашовыя прэміі працаўнікам ПМК-241 Рыгору БАРЫСЁНКУ і Аляксандру СІМАКОВІЧУ ўручыла старшыня раённага аб’яднання арганізацый прафсаюзаў, якія ўваходзяць у ФПБ, Святлана ПАТАПЧЫК.
Старшыня РК прафсаюзаў АПК Алена СНЫТКО ўручыла Ганаровыя граматы абкама і райкама галіновага прафсаюза Віктару СІДАРОВІЧУ, Аляксандру ЦУКРОВУ, Аляксандру АРЛОЎСКАМУ і Святлане ДАЛЖАНКОВАЙ.
Шэраг працаўнікоў ПМК-241 былі ўзнагароджаны Ганаровымі граматамі і дыпломамі за ўзорнае выкананне працоўных абавязкаў, шматгадовую бездакорную працу і прафесіяналізм, выкананне паказчыкаў па выручцы на аднаго сярэдняспіскавага работніка. Былі ўшанаваны лепшыя па прафесіі мантажнікі, муляры, цесляры, станочнікі, слесары, плітачнікі, маляры-тынкоўшчыкі, зваршчыкі, электрамантажнікі, вадзіцелі, машыністы аўтакранаў і экскаватараў. Таксама граматамі і прэміямі адзначаны лепшыя па прафесіі сярод моладзі, брыгадзіры, актыўныя ўдзельнікі грамадскага і прафсаюзнага жыцця арганізацыі. В.а першага сакратара РК ГА “БРСМ” Марына ШАБУСАВА адзначыла каштоўнымі падарункамі і падзякамі актывістаў маладзёжнага руху.
Таксама ўзнагароды атрымалі дзесяць пераможцаў працоўнага спаборніцтва, прозвішчы якіх занесены сёлета на ведамасную Дошку гонару. Нагадаем, што ўсе яны атрымалі дыпломы і грашовыя прэміі па 10 базавых велічынь.
Словы падзякі за шчырую працу традыцыйна прагучалі на адрас ветэранаў працы ПМК-241, а тыя, хто сёлета выйшаў на заслужаны адпачынак, атрымалі каштоўныя падарункі, якія ўручыла намеснік дырэктара па ідэалагічнай рабоце Таццяна ЛІСОЎСКАЯ.
Прыемным сюрпрызам для ўдзельнікаў свята стала выступленне першага ў Беларусі вакальна-інструментальнага ансамбля “Чараўніцы”, баяніста-віртуоза Дзмітрыя КОРСАКА і артыстаў РЦК, якія падарылі віноўнікам урачыстасці шмат прыемных эмоцый.
Святлана МАГІЛЕЎЧЫК.
Фота аўтара.