Темы

На Магілёўшчыне праходзіць XXIV Міжнародны пленэр па жывапісе “Вобраз Радзімы ў выяўленчым мастацтве”

Па 29 верасня на Магілёўшчыне праходзіць XXIV Міжнародны пленэр па жывапісеВобраз Радзімы ў выяўленчым мастацтве”, прысвечаны Году малой радзімы.

Першая частка пленэра прайшла ў мемарыяльным гісторыка-мастацкім музеі-запаведніку імя Васіля Паленава, што ў Расійскай Федэрацыі. У Беларусі, у рамках другога этапу гэтага маштабнага мерапрыемства, творцы пазнаёміліся з памятнымі месцамі Магілёва і вобласці.

Днямі мастакі з Беларусі, Украіны, Расіі, Казахстана, Узбекістана, Афганістана і Паўднёвай Карэі завіталі ў Бялынічы.

У мінулую пятніцу, 20 верасня, супрацоўнікі раённага мастацкага музея імя В.К. Бялыніцкага-Бірулі зладзілі для іх урачыстую сустрэчу і экскурсію па залах установы, дзе госці пазнаёміліся з творчасцю нашых знакамітых землякоў Ларысы ЖУРАВОВІЧ, Віктара АЛЬШЭЎСКАГА, Паўла ДЗІМІТРЫЯДЗІ і, вядома ж, Вітольда Бялыніцкага-Бірулі.

Намеснік старшыні райвыканкама Ірына ФУРСАВА, начальнік аддзела ідэалагічнай работы, культуры і па справах моладзі райвыканкама Іна ІГНАТОВІЧ і дырэктар Магілёўскага абласнога музея імя Паўла Масленікава Алена БАБРОВА абмяняліся цёплымі словамі прывітання і выказалі спадзяванне на тое, што краявіды Прыдруцкага краю паслужаць для творцаў-гасцей крыніцай натхнення.

Таксама ўдзельнікі пленэра ўшанавалі памяць нашага славутага земляка, мастака Вітольда Бялыніцкага-Бірулі і ўсклалі кветкі да яго бюста.

– Хоць я ўдзельнічаў у некалькіх пленэрах, Бялынічы наведваю ўпершыню, – падзяліўся ўражаннямі расійскі мастак Уладзімір КУЗНЯЦОЎ. – Шмат часу я і мае калегі супрацоўнічаем з гісторыка-мастацкім і прыродным музеем-запаведнікам імя Васіля Паленава. Сёлета ў Расіі шырока адзначаўся юбілей мастака – 175-годдзе з дня нараджэння, таму стараемся прыцягнуць як мага больш увагі да яго творчасці, жывапісу ўвогуле і асабліва да тэмы малой радзімы. За час пленэра мы пабывалі не толькі ў Магілёве, але і ў Мсціславе, у Шклове… Увогуле, ад кожнага куточка Беларусі засталося шмат пазітыўных уражанняў. Вельмі спадабалася прырода, дагледжаныя палі, каровы, што пасвяцца ўздоўж дарогі… Усё нясе адчуванне малой радзімы, надае асаблівае натхненне.

Члена Нацыянальнага саюза мастакоў Украіны Аляксандра ХРАПАЧОВА зацікавіў храм у гонар іконы Бялыніцкай Божай Маці.

– Падчас паездак знаёмлюся з інтэр’ерамі розных праваслаўных храмаў. Планую намаляваць інтэр’ер і Бялыніцкай царквы, – распавёў творца пра свае задумкі.

Наступным пунктам наведання ўдзельнікаў пленэра стала малая радзіма нашага земляка Вітольда Бялыніцкага-Бірулі – урочышча Крынкі.

Неўзабаве з’явіліся і першыя іх работы.   Жывапісец з Казахстана Уладзімір ПРАЦЭНКА ў Беларусь прыехаў упершыню. І не змог стрымацца, каб не намаляваць беларускую прыроду.

– У Карагандзе, дзе я жыву, стэп і горы, а ў вас – лясы. Прырода вельмі незвычайная, прыгожая, – распавёў мастак. – А на наступнай карціне, якую я малюю, будуць нашы, казахскія горы. Гэта такі сімвалічны падарунак беларусам ад мяне.

Заслужанага дзеяча мастацтваў Рэспублікі Узбекістан Алішэра АЛІКУЛАВА натхніла легенда пра разбойніка Машэку. Сваё бачанне гэтай гісторыі ён вырашыў адлюстраваць на палатне, якое затым застанецца ў Магілёве.

Увесь тыдзень майстры фарбаў і пэндзляў будуць працаваць у наваколлі Бялынічаў і ў раённым Цэнтры культуры. Некалькі сваіх работ яны абяцалі падарыць нашаму мастацкаму музею, каб бялынічане маглі бліжэй пазнаёміцца з іх творчасцю.

Святлана МАГІЛЕЎЧЫК.

                Фота аўтара і Таццяны ЦІКУНОВАЙ.

Последние новости

Общество

Прокурор Белыничского района рассказал об изменениях в законодательстве о государственных закупках

28 марта 2024
Выборы 2024

ЦИК Беларуси зарегистрировал кандидатами в члены Совета Республики 56 человек

28 марта 2024
Новости Беларуси

Минприроды предлагает 30 марта принять участие в международной экологической акции “Час Земли”

28 марта 2024
Новости района

Соревнования по мини-футболу в рамках проекта «Мой школьный футбольный клуб» прошли на базе СШ №2

27 марта 2024
Новости Беларуси

Размер суточных для служебных командировок в пределах Беларуси повышается до 12 рублей в сутки

26 марта 2024
Всебелорусское народное собрание

Ирина Фурсова и Николай Даречкин выдвинуты кандидатами в делегаты Всебелорусского народного собрания

26 марта 2024
Новости района

Белыничанин Никита Калистратов стал победителем Гранд-финала 13-го сезона проекта «100 идей для Беларуси»

25 марта 2024
Главное

Резервов предостаточно. Александр Лукашенко видит серьезный потенциал для роста товарооборота с Омской областью России

25 марта 2024
Актуально

В Белыничском райобъединении профсоюзов пройдет приём граждан

25 марта 2024
Выборы 2024

Игорь Карпенко: избранный депутатский корпус представляет весь срез белорусского общества

22 марта 2024

Рекомендуем

Выборы 2024

Алексей Кушнаренко выдвинут кандидатом в члены Совета Республики

18 марта 2024
Новости района

Широко и весело прошли масленичные гулянья в агрогородке Вишов

16 марта 2024
Актуально

Группа по гражданству и миграции проведет выездной прием граждан

18 марта 2024
Главное

Митинг-реквием, посвященный Дню памяти сожженных деревень, прошел на мемориальном комплексе «Стефаново»

21 марта 2024
Новости района

В Белыничском районе проходит день информирования

21 марта 2024
Новости района

В Белыничском лесхозе прошел республиканский пресс-тур по подготовке системы лесного хозяйства района к пожароопасному периоду

21 марта 2024
Главное

Александр Лукашенко вручил госнаграды депутатам и сенаторам

21 марта 2024
Главное

На связи Байконур. Лукашенко проводит встречу с космонавтами Новицким и Василевской

19 марта 2024