Выяўлены шэраг парушэнняў
З мэтай забеспячэння кантролю за станам пажарнай бяспекі работнікамі інспекцыі нагляду і прафілактыкі РАНС праведзены маніторынг дрэваапрацоўчай вытворчасці індывідуальнага прадпрымальніка Уладзіміра КУЗНЯЦОВА, размешчанай у вёсцы Камяніца.
У ходзе маніторынгу былі выяўлены парушэнні патрабаванняў пажарнай бяспекі:
– будынак не ў поўным аб’ёме ўкамплектаваны першаснымі сродкамі пажаратушэння;
– адсутнічае агульнааб’ектавая інструкцыя аб мерах пажарнай бяспекі, з работнікамі не праведзены супрацьпажарныя інструктажы;
– памяшканне, будаўнічыя канструкцыі не ачышчаюцца ад гаручага пылу;
– пляцоўка для захоўвання адходаў драўніны не ачышчана ад расліннасці;
– комін печы не адпавядае патрабаванням ТНПА;
– на вытворчай тэрыторыі спальваецца смецце.
Па выніках маніторынгу прадпрымальніку дадзены рэкамендацыі па ліквідацыі выяўленых парушэнняў.
Дзмітрый ШАЎЧОНАК,
інспектар ІНіП РАНС.