Дзень выбараў на Вішоўскім выбарчым участку пачаўся на ўзнёслай ноце. Першай прагаласавала жыхарка аграгарадка Вішоў Ядзвіга Андрэева. Па словах старшыні ўчастковай камісіі Кацярыны Зайцавай шмат сяльчан прагаласавалі датэрмінова. Падвоз выбаршчыкаў з аддаленых вёсак ажыццяўляецца не толькі сіламі школы. Транспарт выдзелілі ДЛГУ “Бялыніцкі лясгас” і СВК “Калгас “Радзіма”. Арганізавана выстава-продаж прадукцыі райста.