Нішто не забыта, ніхто не забыты…

27 студзеня 2019 года адзначалася знамянальная дата – 75 гадоў з дня поўнага зняцця блакады Ленінграда.

У гонар гэтай падзеі ўладамі Санкт-Пецярбурга заснаваны памятны знак “У гонар 75-годдзя поўнага вызвалення Ленінграда ад фашысцкай блакады”. Яго ўручалі людзям, якія асабіста перажылі адну з самых страшэнных падзей Вялікай Айчыннай вайны. 872 дні горад Ленінград быў шчыльна акружаны фашыстамі.

Узнагарода знайшла і бялынічаніна Цімафея ГАНЧАРОВА.  У дзяцінстве ён жыў з бацькамі ў Ленінградзе. На свае вочы бачыў страшныя падзеі блакаднага горада. Памятны знак Цімафею Кузьмічу ўручылі начальнік аддзела ідэалагічнай работы, культуры і па справах моладзі райвыканкама Іна ІГНАТОВІЧ і ваенны камісар Бялыніцкага і Круглянскага раёнаў Мікалай ГАМОЛКА.

Цімафей Ганчароў быў да глыбіні душы крануты тым, што пра яго не забылі. Гэты знак – падзяка тым, хто выстаяў у тыя страшэнныя дні блакады, не скарыўся ворагу.

Аліна ЦЫГАНІЙ.

Фота аўтара.