З 2000 года ў Бялынічах пачаў функцыянаваць Цэнтр карэкцыйна-развіваючага навучання і рэабілітацыі для “асаблівых” дзяцей
З 2000 года ў Бялынічах пачаў функцыянаваць Цэнтр карэкцыйна-развіваючага навучання і рэабілітацыі для “асаблівых” дзяцей.
– Нашы спецыялісты, настаўнікі-дэфектолагі і выхавацелі аказваюць неабходную карэкцыйна-педагагічную дапамогу маленькім жыхарам Бялыніччыны, у якіх ёсць асаблівасці ў развіцці, – гаворыць дырэктар ЦКРНіР Інэса УСАВА. – У асноўным, гэта парушэнні маўлення.
Зараз карэкцыйную дапамогу ў ЦКРНіР атрымлівае 31 дзіця.
Хлопчыкі і дзяўчынкі з больш глыбокімі парушэннямі псіхафізічнага развіцця праходзяць тут навучанне па спецыяльнай праграме. Для іх праводзяцца розныя мерапрыемствы, працуюць аб’яднанні па інтарэсах з улікам іх магчымасцей.
– Знаходзіцца шмат нераўнадушных людзей, кіраўнікоў арганізацый, прадпрымальнікаў, якія не праходзяць міма праблем “асаблівых” дзяцей, дапамагаюць ім, – дадае Інэса Міхайлаўна. – Значную падтрымку аказваюць аддзел па адукацыі райвыканкама, райсавет дэпутатаў, лясгас, ПМК-241, ПВГУП “Альфазварка” з Магілёва.
Сёлета ў ЦКРНіР адкрылася спецыяльная група на ўзроўні дашкольнай адукацыі. Усе наведвальнікі Цэнтра забяспечаны бясплатным харчаваннем, ажыццяўляецца іх падвоз з сельскай мясцовасці і горада.
Святлана МАГІЛЕЎЧЫК.
Фота аўтара.