Парушэнняў шмат. Іх трэба выпраўляць

Інспекцыяй нагляду і прафілактыкі РАНС праведзены маніторынг будынкаў райста.

У ходзе правядзення маніторынгу выяўлены наступныя парушэнні:

У кафэ “Руская тройка” эвакуацыйныя дзверы не абсталяваны лёгкаадкрывальнымі знутры замкамі; шляхі эвакуацыі не пазначаны ўказальнымі знакамі пажарнай бяспекі; не зроблена абслугоўванне аўтаматычнай пажарнай сігналізацыі.

У сферы нарыхтоўчай галіны: у адміністрацыйным будынку не распрацаваны і не вывешаны на бачным месцы план эвакуацыі людзей пры пажары, агульнааб’ектавая інструкцыя аб мерах пажарнай бяспекі; не арганізавана наяўнасць стэнда з інфармацыяй аб пажарнай бяспецы; на эвакуацыйным выхадзе не ўсталяваны знутры лёгкаадкрывальныя замкі; электрычныя свяцільнікі не маюць ахоўных плафонаў; штабялі лесаматэрыялаў і адходаў вытворчасці не ўпарадкоўваюцца ў адпаведнасці з Пастановай МНС РБ №24 ад 26.04.2018 г. Таксама не арганізавана праца добраахвотнай пажарнай дружыны, а пляцоўка для захоўвання драўніны не ачышчана ад расліннага слою.

У кафэ “Друць” не прыведзены ў парадак эвакуацыйныя выхады і дзверы.

У адміністрацыйных будынках вогнетушыцелі не прыведзены ў спраўны стан згодна эксплуатацыйнай дакументацыі; не прыведзены ў парадак эвакуацыйныя выхады і дзверы; дымаход ацяпляльнага катла не адпавядае патрабаванням інструкцыі; не дэмантавана памяшканне, якое знаходзіцца пад лесвічнай клеткай.

На размеркавальных складах не перазараджаны пяць вогнетушыцеляў; не распрацавана агульнааб’ектавая інструкцыя аб мерах пажарнай бяспекі; не арганізавана наяўнасць стэнда з інфармацыяй аб пажарнай бяспецы і не забяспечана яго своечасовае абнаўленне; не прыведзены ў парадак эвакуацыйныя выхады і дзверы; электрычныя свяцільнікі не закрыты ахоўнымі плафонамі; не арганізавана праца добраахвотнай пажарнай дружыны; склады не даўкамплектаваны першаснымі сродкамі пажаратушэння; рэчы і матэрыялы складзіруюцца на рампах.

У інтэрнаце не заменены элементы сілкавання ва ўстаноўленых аўтаномных пажарных апавяшчальніках у жылых пакоях; эвакуацыйныя дзверы не абсталяваны лёгкаадкрывальнымі знутры замкамі без ключа; не распрацаваны і не вывешаны на бачным месцы план эвакуацыі людзей пры пажары, схематычны план індывідуальнай эвакуацыі людзей, памятка патрабаванняў пажарнай бяспекі для тых, хто пражывае, і дзеяннямі іх на выпадак узнікнення пажару; топачныя дзверцы абагравальнага катла патрабуюць рамонту. Не зроблены разлік катэгорыі памяшкання кацельні па выбуховапажарнай бяспечнасці, а гаручыя матэрыялы складзіруюцца паблізу абагравальнага катла.

Адказнай асобе выдадзены рэкамендацыі для ўхілення ўсіх гэтых парушэнняў.

            Юрый МАРОЗАЎ,

            старшы інспектар ІНіП РАНС.

Print Friendly, PDF & Email