Темы

Любоў да кветак вылілася ў агульную справу

З канца лістапада ў памяшканні Дома быту запрацавала новая гандлёвая кропка “Кветкі для Вас”.

Гаспадынь гэтага прыгожага магазіна Таццяну СТАРАВОЙТАВУ і Анастасію ЛЫЧКОЎСКУЮ аб’ядноўваюць не толькі цесныя сяброўскія сувязі, але любоў да кветак і ўсяго таго прыгожага, што прыўносіць у наша будзённае жыццё адчуванне свята.

Самы галоўны тавар у іх магазіне – жывыя кветкі. Бо што, як не прыгожы букет, створыць урачысты настрой, стане нагодай для прызнання ў каханні любімай жанчыне, дапоўніць віншаванне з юбілеем, вяселлем ці іншай знакавай падзеяй у жыцці.

– У нас ёсць паслуга дастаўкі букетаў па горадзе, – гаворыць Анастасія Лычкоўская. – Нашы кліенты могуць замовіць іх па любой нагодзе і на любую суму. Калі хтосьці пажадае арыгінальна аформіць букет, і гэта мы зможам! У зімовы час, калі дні такія кароткія, менавіта кветкі падымаюць настрой, упрыгожваюць аднастайныя будні. Асабліва гэта важна для нас, жанчын.

Пачынаць уласную справу Таццяне і Анастасіі прыйшлося з нуля і, канечне, за ўласныя грошы. Жанчыны арэндавалі памяшканне, зрабілі ў ім касметычны рамонт, устанавілі мэблю, неабходнае абсталяванне.

Яшчэ адным важным момантам для праяўлення прадпрымальніцкай ініцыятывы стала тое, што ў гэтай частцы нашага горада няма ніводнай падобнай гандлёвай кропкі.

Таццяна і Анастасія жанчыны вельмі творчыя. Увесь іх гандлёвы аб’ект вытрыманы ў белых і бэзавых колерах. Як сцвярджаюць гаспадыні, спалучэнне гэтых колераў паляпшае ў наведвальнікаў настрой.

Акрамя жывых кветак у магазіне прадаюцца кветкі ў вазонах, пасцельная бялізна, аксесуары для мужчын і жанчын, падарункі, упрыгожанні, цацкі, сувеніры.

Прадаўцы ахвотна падкажуць ідэю падарунка, дапамогуць з выбарам пакупкі.

– Наша галоўная задача – ствараць для людзей атмасферу свята, – дадаюць Анастасія і Таццяна. – За невялікі час працы магазіна ў нас з’явіліся пастаянныя пакупнікі. Гэта асабліва надае сіл рухацца далей, рабіць штосьці новае, бо ў нашай сферы дзейнасці прасторы для творчасці амаль што бязмежныя.

Святлана МАГІЛЕЎЧЫК.

Фота аўтара.

Последние новости

Новости района

Славянский праздник “Иван Купала” отметили в Белыничах

6 июля 2025
Читать новость
Новости района

Концерт в честь Дня Независимости проходит в Белыничах

3 июля 2025
Читать новость
Новости района

Фотофакт. Яркие моменты Дня Независимости в Белыничах

3 июля 2025
Читать новость
Новости района

Белыничане отмечают День Независимости Республики Беларусь

3 июля 2025
Читать новость
Новости района

Техтинская средняя школа присоединилась к проекту «Сеть Школ мира в Республике Беларусь»

2 июля 2025
Читать новость
Новости района

В Белыничском районе приступил к работе студенческий отряд БРСМ

2 июля 2025
Читать новость

Рекомендуем