Без дыму і агню

Старшы інспектар ІНіП РАНС Юрый МАРОЗАЎ сустрэўся з выхаванцамі ДУА “Яслі-сад №16 аг. Ланькава”.

У дзіцячым узросце многія важнейшыя жыццёвыя пазнанні, у тым ліку і элементарныя навыкі пажарнай бяспекі, прышчапляюцца на аснове гульнёвай дзейнасці, дзе ў найбольшай ступені праяўляецца актыўнасць дзяцей. Навучанне супрацьпажарным правілам праводзіцца ў непарыўнай сувязі з агульным выхаваўча-адукацыйным працэсам: падчас заняткаў, гульняў, спаборніцтваў і акцый.

Ратавальнік нагадаў хлопчыкам і дзяўчынкам асноўныя правілы пажарнай бяспекі. Дашкаляты даведаліся, ад чаго можа адбыцца пажар, як паводзіць сябе ў выпадку яго або іншай надзвычайнай сітуацыі. Пры правядзенні гутаркі дзеці правільна адказвалі на пытанні работніка РАНС, а таксама актыўна цікавіліся працай ратавальнікаў, чым абсталявана пажарная машына, як спрацоўвае вогнетушыцель.

                                                                                Аліна ЦЫГАНІЙ.

                                                                                  Фота аўтара.

Print Friendly, PDF & Email