Тыдзень інтэлектуальнай уласнасці пройдзе ў Беларусі

22 красавіка адбудзецца вэбінар па актуальных пытаннях развіцця сістэмы інтэлектуальнай уласнасці. Пра гэта паведамілі ў прэс-цэнтры НЦІУ.

Мерапрыемствы, прысвечаныя святкаванню Міжнароднага дня інтэлектуальнай уласнасці, праводзяцца ў Беларусі штогод у фармаце семінараў, форумаў і канферэнцый. Кампанія гэтага года прысвечана ключавой ролі інавацый і інтэлектуальнай уласнасці ў забеспячэнні «зялёнай» будучыні.

З улікам неспрыяльнай эпідэміялагічнай сітуацыі мерапрыемства 22 красавіка будзе праходзіць у фармаце анлайн – канферэнцыі-вебінара.

23 красавіка эксперты НЦІУ прымуць удзел у круглым стале на тэму «Удасканаленне палажэнняў Грамадзянскага кодэкса Рэспублікі Беларусь аб інтэлектуальнай уласнасці», які арганізуецца Пастаяннай камісіяй Савета Рэспублікі Нацыянальнага сходу Рэспублікі Беларусь па заканадаўству і дзяржаўнаму будаўніцтву, ён таксама будзе праведзены ў анлайн-рэжыме.

Штогод 26 красавіка ўвесь свет адзначае Міжнародны дзень інтэлектуальнай уласнасці, які дазваляе расказаць шырокай грамадскасці пра тое, як правы інтэлектуальнай уласнасці спрыяюць развіццю інавацый і творчасці.
У цяперашні час членамі САІУ з’яўляюцца 193 дзяржавы. Гэта больш за 90% краін свету.

Рэспубліка Беларусь стала членам САІУ 26 красавіка 1970 года. Прававая аснова ўзаемадзеяння нашай дзяржавы з міжнароднай арганізацыяй была закладзена ў снежні 2000 года падпісаннем праграмы супрацоўніцтва паміж Урадам Рэспублікі Беларусь і САІУ.

У 2003 і 2007 гадах адбыліся сустрэчы Прэзідэнта Рэспублікі Беларусь з Генеральным дырэктарам САІУ К. Ідрысам (у рамках яго афіцыйных візітаў у Рэспубліку Беларусь), вынікам якіх стала пашырэнне супрацоўніцтва з дадзенай арганізацыяй.

У 2019 годзе адбыўся афіцыйны візіт у Рэспубліку Беларусь генеральнага дырэктара САІУ г-на Фрэнсіса Гары, які неаднаразова станоўча ацэньваў намаганні Рэспублікі Беларусь па развіцці нацыянальнай сістэмы інтэлектуальнай уласнасці і яе дзейнасць у гэтай сферы на міжнародным узроўні.

На сённяшні дзень супрацоўніцтва з САІУ рэгламентуецца таксама Мемарандумам аб узаемаразуменні паміж Урадам Рэспублікі Беларусь і САІУ, Пратаколам аб супрацоўніцтве паміж САІУ і Нацыянальным цэнтрам інтэлектуальнай уласнасці па падрыхтоўцы кадраў у галіне аховы інтэлектуальнай уласнасці ў Рэспубліцы Беларусь, а таксама Сумеснай дэкларацыяй аб дзейнасці па ўмацаванню сістэмы інтэлектуальнай уласнасці і развіццю інавацый у Рэспубліцы Беларусь.

Падрыхтавана па матэрыялах сайта mogilevnews.by.

Print Friendly, PDF & Email