Трэба шанаваць тое, што маем

Яўген ЧАРНЯКОЎ, старшыня раённага савета ветэранаў:

– Я буду галасаваць за мір, спакой і парадак у нашай краіне. Вядома ж, на пасадзе Прэзідэнта нашай краіны бачу чалавека годнага і нацэленага на актыўную заканадаўчую дзейнасць. Прыйсці на выбарчы ўчастак — грамадзянскі абавязак кожнага, бо гэта наша краіна, мы тут жывём, тут жывуць нашы дзеці. І менавіта таму мы павінны аддаць свой голас за шчаслівую Беларусь!

За мінулыя гады дзеючай уладай было шмат добрага зроблена для нашай краіны. Мы можам карыстацца бясплатным медабслугоўваннем, атрымліваць вышэйшую адукацыю за кошт дзяржбюджэту, браць ільготныя крэдыты на жыллё і аплачваць камунальныя паслугі па тарыфах, якія значна ніжэй за іх сабекошт. У нас чыстыя, прыгожыя гарады. На вуліцах і дарогах бяспечна знаходзіцца, бо ў Беларусі даволі нізкі ўзровень злачыннасці. Мы ператварыліся ў спартыўную дзяржаву. Правялі чэмпіянат свету па хакеі, II Еўрапейскія гульні.

Вялікія сродкі былі ўкладзены ў дзяржаўныя праграмы развіцця малых гарадоў і адраджэння вёсак. Адным з вынікаў стала будаўніцтва сучаснага жылля на вёсцы, новых школ, бальніц, станцый абезжалезвання вады, магазінаў, дамоў культуры. Сёння нашы аграгарадкі выглядаюць ярка і перспектыўна.

І самае галоўнае, у нас спакойна і стабільна.

Print Friendly, PDF & Email