Старшыня Беларускага прафсаюза работнікаў культуры, інфармацыі, спорту і турызму Таццяна ФІЛІМОНАВА наведала Бялыніччыну
Старшыня Беларускага прафсаюза работнікаў культуры, інфармацыі, спорту і турызму Таццяна ФІЛІМОНАВА
наведала Бялыніччыну і адзначыла лепшых працаўнікоў, занятых у бягучай уборачнай кампаніі.
Узнагароды ад галіновага прафсаюза атрымалі вадзіцель ААТ “Бялыніцкае райаграпрамтэхзабеспячэнне” Уладзімір КАНАВАЛАЎ, калектыў аператараў зернесушыльнага комплексу СВК “Калгас “Радзіма” ў складзе Дзмітрыя ГЕРЧУКА, Сяргея ПРАКОПЧЫКАВА, Алега МУШКЕТАВА і Васіля ДЗЕВІЧЫНСКАГА, камбайнер-“тысячнік” гэтай гаспадаркі Мікалай ДАРЭЧКІН і яго памочнік Канстанцін САЛАДУХА, камбайнеры ААТ “Аграсэрвіс” – Іван ДЗЕРАШАЎ, ААТ “Новая Друць” – Уладзімір СКАЧКОЎ і Валерый МАРГУНОЎ.
Падзякі і каштоўнага падарунка ўдастоіўся вадзіцель ААТ “Бялынічы” Анатоль ГАРБУЗАЎ, які на мінулым тыдні першым у раёне перавёз тысячу тон збожжа новага ўраджаю.
– Кожны год ад нашай прафсаюзнай арганізацыі знаходзім магчымасць ушанаваць тых, хто пракладае шлях хлебу з поля на наш стол, – сказала Таццяна Філімонава. – Мы наведваем самыя розныя куточкі нашай краіны, і я на свае вочы бачу, наколькі адказная і пачэсная праца ў хлебаробаў. Хочацца выказаць усім ім самыя шчырыя словы падзякі.
У той жа дзень узнагароды, вымпелы і падзякі лідарам уборачнай уручыла старшыня райкама прафсаюза АПК Алена СНЫТКО.
Святлана МАГІЛЕЎЧЫК.
Фота аўтара.
