Творчасць хормайстра Галоўчынскага СДК Леаніда ШУТА атрымала высокую адзнаку на трох міжнародных конкурсах у Маскве

Творчасць хормайстра Галоўчынскага СДК Леаніда ШУТА атрымала высокую адзнаку на трох міжнародных конкурсах у Маскве, якія ў сувязі з неспрыяльнай эпідэміялагічнай абстаноўкай праводзіліся ў анлайн-фармаце.

У фестывалі-конкурсе выканальніцкага мастацтва “Вакол свету” Леанід Міхайлавіч заняў 1 месца ў намінацыі “Вакал” у дарослай узроставай катэгорыі.

У міжнародным конкурсе-фестывалі “Мая Масква” музыкальны нумар “Лебядзіная вернасць” у выкананні Леаніда Шута атрымаў Гран-пры ў намінацыі “Эстрадны вакал старэй за 50 гадоў”.

Першага месца ўдастоілася выступленне артыста ў анлайн-конкурсе “#ЛюдиПоют”. У якасці прыза Леанід Шут атрымаў сертыфікат на размяшчэнне матэрыяла аб сабе і сваёй творчасці ў друкаваным выданні расійскага інфармацыйнага агенцтва “Музыкальны кландайк”.

Тэкст і фота Святланы МАГІЛЕЎЧЫК.