На мінулым тыдні на чыгуначнай станцыі «Друць» прайшла акцыя «Стоп – няправільны крок!»

Мэта правядзення яе – інфармаванне грамадзян аб правілах паводзін на аб’ектах чыгуначнага транспарту, зніжэнне колькасці парушэнняў правіл пераходу чыгуначных шляхоў у недазволеных месцах і звязаных з гэтым выпадкаў траўматызму, а таксама прафілактыка правапарушэнняў сярод непаўналетніх.

Чыгуначныя шляхі – зона павышанай небяспекі. З дзяцінства нас вучаць, што нельга пераходзіць праз рэйкі ў неналежным месцы, падыходзіць блізка да састава, які рухаецца, гуляць на платформе. Гэтых «нельга» вельмі шмат. Але людзі ўсё роўна парушаюць устаноўленыя правілы. Супрацоўнікі РАУС, РА ГА «БРСМ», а таксама работнік Магілёўскага аддзялення Беларускай чыгункі нагадалі грамадзянам аб неабходных мерах бяспекі.

На чыгуначнай станцыі «Друць», а таксама на месцах, дзе абсталяваны пешаходныя пераходы, першы сакратар РК ГА «БРСМ» Марына ШАБУСАВА, участковы інспектар РАУС Мікалай ГАЛУБЦОЎ, спецыяліст ІСН РАУС Святлана ПАТАПЕНКА і дзяжурная па станцыі «Друць» Марына САЛОДКАЯ раздавалі прахожым лістоўкі, якія растлумачвалі правілы паводзін на аб’ектах павышанай небяспекі.

Тэкст і фота Дзмітрыя ЦІХАНАВА.

Print Friendly, PDF & Email