Запускайце феерверк па правілах

Грамадзянам дазваляецца выкарыстанне піратэхнічных вырабаў I-III класаў небяспекі (бенгальскія агні, рымскія свечкі, петарды, ракетніцы і да т.п.). Пры іх выкарыстанні неабходна кіравацца інструкцыяй па іх ужыванні і маркіровачнымі пазначэннямі, нанесенымі на ўпакоўку.

Пры гэтым неабходна звярнуць увагу на тэрмін прыдатнасці і сертыфікат адпаведнасці патрабаванням ТР ТС 006/2011. Не дапускаецца прымяненне піратэхнічных вырабаў не па прызначэнні.

Забаронена іх выкарыстанне каля адкрытага агню (свечкі, факелы і іншыя эфекты з ужываннем агню) у будынках і памяшканнях.

Акрамя таго, грамадзяне абавязаны выконваць патрабаванні, устаноўленыя ў мэтах барацьбы з бытавым шумам у памяшканнях, на вуліцах, у дварах, на тэрыторыі садаводчых таварыстваў, у месцах адпачынку і іншых грамадскіх месцах.

З 23.00 да 7.00 гадзін не павінны рабіцца дзеянні, якія ствараюць моцную вібрацыю і шум.

Правілы бяспекі пры выкарыстанні піратэхнічных вырабаў:

– купляйце салюты ў спецыялізаваных магазінах, патрабуйце ў прадаўца інструкцыю і сертыфікат адпаведнасці;

– не накіроўвайце піратэхнічныя прылады ў бок людзей, жывёл, будынкаў, аўтамабіляў;

– пры выкарыстанні рознага роду ракетніц і салютаў, устойліва замацуйце іх, каб пазбегнуць перакульвання, не выкарыстоўвайце іх пры моцным ветры;

– не запускайце піратэхніку, трымаючы яе ў руках;

– калі салют не спрацаваў, не спрабуйце яго разабраць або падпаліць зноў, пачакайце 15-20 хвілін і потым выкіньце, папярэдне яго намачыўшы;

– не насіце піратэхнічныя вырабы ў кішэнях, захоўвайце далей ад прыбораў ацяплення і адкрытага агню.

– не давярайце выкарыстоўваць піратэхніку дзецям!

Выконвайце правілы бяспекі, беражыце сябе і сваіх блізкіх!

               Аляксандр САДОЎСКІ,

                        першы намеснік начальніка РАНС.