Праверылі ЖКГ Глускага раёна

На пасяджэнні калегіі Камітэта дзяржкантролю Магілёўскай вобласці разгледжаны вынікі

вывучэння стану спраў у жыллёва-камунальнай гаспадарцы Глускага раёна.

У раёне за 2018-2019 гады не дасягнуты шэраг мэтавых паказчыкаў дзяржпраграмы «Камфортнае жыллё і спрыяльнае асяроддзе» на 2016-2020 гг., маюцца недахопы, якія зніжаюць эфектыўнасць аказання жыллёва-камунальных паслуг. Кантралёры выявілі парушэнні пры атрыманні Глускім УКП «Жылкамгас» бюджэтных сродкаў на суму больш за 160 тыс. рублёў, ажыццяўленні дзяржаўных закупак, распараджэнні дзяржаўнай маёмасцю і інш.

За выяўленыя парушэнні Камітэтам да адміністрацыйнай адказнасці прыцягнута прадпрыемства і 5 яго работнікаў.

Матэрыялы калегіі накіраваны зацікаўленым службам для прыняцця мер рэагавання і прафілактыкі парушэнняў. Рэалізацыя ўнесеных прапаноў і вяртанне сродкаў у бюджэт узята камітэтам на кантроль.

Дзмітрый ЗАХАРАЎ,

в. а. намесніка старшыні Камітэта дзяржкантролю

Магілёўскай вобласці.