Усебеларускі народны сход: меркаванне

Аляксандр АСІПЁНАК, намеснік дырэктара жылкамсага, бацька пецярых дзяцей:

– Па-першае вазьму на себя смеласць сказаць ад больш чым 112 тысяч мнагадзетных сем’яў нашай краіны, што мы вельмі цэнім падтрымку дзяржавы, якая сёння нам аказваецца, мы яе адчуваем, мы ёй карыстаемся. У сваім дакладзе Прэзідэнт агучыў галоўныя, можна сказаць, надзеі і спадзяванні мнагадзетных бацькоў, запэўніўшы, што сацыяльная падтрымка не толькі не спыніцца, але і значна пашырыцца. Так, вельмі важны і патрэбны крок – пашырэнне межаў выкарыстання сямейнага капіталу, а таксама прадастаўленне жанчыне, якая нарадзіла чатырох дзяцей, права на працоўную пенсію. Поўнасцю згодзен са свловамі кіраўніка аб тым, што праца маці, як і любая іншая, павінна ацэньвацца так, як і любая іншая.

Што тычыцца правядзення Сходу ў цэлым, то ўпэўнены, што ўсе дастойныя ідэі знойдуць увасабленне ў далейшым развіцці нашай краіны. Бо ўсё, што мы зробім зараз, застанецца нашым дзецям.