У Беларусі зацверджаны парадак атрымання ў часовае карыстанне паляўнічай зброі і боепрыпасаў да яе. Гэта прадугледжана пастановай Міністэрства лясной гаспадаркі і Міністэрства ўнутраных спраў №26/251. Такая інфармацыя размешчана на Нацыянальным прававым інтэрнэт-партале.
Дакументам зацверджана новая інструкцыя, якая вызначае парадак атрымання паляўнічай зброі і боепрыпасаў да яе паляўнічымі, якія дасягнулі 18-гадовага ўзросту. Паляўнічаму неабходна мець дазвол на нашэнне паляўнічай зброі. Па заканчэнні палявання атрыманыя ў часовае карыстанне паляўнічая зброя і боепрыпасы да яе (калі засталіся нявыкарыстаныя) здаюцца на захоўванне службовай асобе. Адначасова паляўнічаму можна выдаваць не больш адной адзінкі зброі.
Пастановай устаноўлена, што журналы, прызначаныя для ўнясення запісу аб выдачы грамадзяніну паляўнічай зброі і боепрыпасаў да яе і дазволу на іх нашэнне, атрыманых у часовае карыстанне на час палявання ў карыстальніка паляўнічых угоддзяў, і выкарыстоўваюцца да ўступлення ў сілу гэтай пастановы, прымяняюцца да іх поўнага запаўнення.
Дзеючая пастанова Міністэрства лясной гаспадаркі Рэспублікі Беларусь і Міністэрства ўнутраных спраў Рэспублікі Беларусь ад 14 жніўня 2018 г. № 23/230 «аб некаторых пытаннях атрымання ў часовае карыстанне паляўнічай зброі і боепрыпасаў да яе» губляе сілу.
Дакумент уступае ў сілу пасля яго афіцыйнага апублікавання.
Падрыхтавана па матэрыялах сайта mogilevnews.by.
