Магчымасць фіксаваць адсутнасць тэхагляду ў аўтаматычным рэжыме існуе, заявіў журналістам намеснік начальніка Галоўнага ўпраўлення ДАІ МУС Аляксандр Занімон.

“Вельмі шмат абмеркаванняў у Інтэрнэце звязана з фотафіксацыяй тэхнічнага агляду транспартных сродкаў, магчымасцю вынясення пастаноў у аўтаматычным рэжыме. Магу вас запэўніць: такая магчымасць на самай справе існуе. Гэта не фэйк. Сапраўды, такая праца намі ў рамках ўкаранення новага адміністрацыйнага заканадаўства ажыццяўляецца”, – распавёў Аляксандр Занімон. Паводле яго слоў, для гэтага выкарыстоўваюцца сродкі як фотафіксацыі хуткаснага рэжыму, так і рэспубліканскай сістэмы маніторынгу грамадскай бяспекі.

“Наша задача максімальна ў прававым полі зацікавіць грамадзян прыехаць на дзяржаўны тэхнічны агляд. Нашы калегі з “Белтэхагляду” падрыхтавалі пэўныя лічбы. За перыяд з пачатку гэтага года колькасць транспартных сродкаў, якія прыехалі на станцыі дыягностыкі і атрымалі дазвол на ўдзел у дарожным руху, больш, чым за ўвесь 2020 год, – адзначыў намеснік начальніка. – Гэтую тэндэнцыю мы назіралі на працягу ўсяго сакавіка і фактычна да гэтага моманту. Я скажу, што cакавік стаў самым пікавым месяцам для праходжання дзяржаўнага тэхнічнага агляду. ”

Падрыхтавана па матэрыялах сайта БелТА.