На кантролі – прыцягненне інвестыцый у рэгіён

Камітэтам дзяржкантролю Магілёўшчыны разгледжана эфектыўнасць інвестыцыйнай палітыкі, якая праводзіцца ў вобласці.

Выяўлена, што мясцовымі органамі ўлады прымаюцца меры па паляпшэнні ўзаемадзеяння з патэнцыяльнымі інвестарамі і прыцягненні ў рэгіёны інвестыцый. Пры гэтым найбольшую інвестыцыйную прывабнасць прадстаўляюць Магілёў, Бабруйск, Магілёўскі і Бабруйскі раёны (у гэтых рэгіёнах рэалізуецца больш за палову дзеючых інвестдагавораў).

Па ацэнцы Камітэта, у гэтай сферы з боку мясцовых органаў улады патрабуецца прыняцце дадатковых мер, паколькі рэалізацыя ў цяперашні час інвестпраектаў пакуль недастатковая для павышэння ўзроўню сацыяльна-эканамічнага развіцця вобласці. Паказчык па прамых замежных інвестыцыях выконваецца ў вобласці ў асноўным за кошт рэалізацыі інвестпраектаў, заключаных яшчэ ў 2011-2014 гг. Асабліва востра адчуваецца патрэба ў інвестыцыях у аграрных рэгіёнах вобласці.

Дзмітрый ЗАХАРАЎ,

першы намеснік старшыні Камітэта дзяржкантролю Магілёўскай вобласці.

Print Friendly, PDF & Email