Сёння галоўным мерапрыемствам святочнага Віцебска стане ўрачыстае адкрыццё XXX Міжнароднага фестывалю мастацтваў “Славянскі базар”.

На юбілейным форуме мастацтваў выступяць зоркі беларускай і расійскай эстрады, а таксама знакамітыя артысты краін замежжа. На сцэне Летняга амфітэатра, Цэнтральнай творчай пляцоўцы фестывалю, выканаюць любімыя і несмяротныя хіты карыфеі і гонар Беларусі – ансамбль “Песняры”, Анатоль Ярмоленка і ансамбль “Сябры”. Сваімі галасамі пацешаць гледачоў Ірына Дарафеева, Алёна Ланская, Аляксандр Саладуха, Ангеліна Ламака і іншыя айчынныя артысты. Звязаныя шматгадовым сяброўствам з фестывалем і Віцебскай сцэнай, зноў прадставяць свае песні Тамара Гвердцытэлі, Ларыса Доліна, Мікалай Баскаў, Алена Ваенга, Аніта Цой, Стас П’еха і яшчэ шматлікія дзеячы расійскай эстрады. Таксама гледачоў чакаюць яркія выступленні акрабатаў Вялікага Маскоўскага дзяржаўнага цырка. Прыхільнікі Дымаша Кудайбергена, Таісіі Павалій, Філіпа Жмахера і многіх іншых замежных гасцей і сяброў форуму змогуць атрымаць асалоду ад галасоў сваіх куміраў.

У гэты ж дзень фестывальны Віцебск запрашае гасцей і жыхароў горада на выставы, вулічныя перформансы, у “Горад майстроў”, на гасцінныя падворкі раёнаў Віцебскай вобласці і іншых абласцей Беларусі. У абласным краязнаўчым музеі, у ратушы, адбудзецца прэзентацыя выставы “Амто, Каракія!”, што азначае “добры дзень, карак”. На ёй будуць экспанавацца прадметы мастацтва і этнаграфіі карэнных малалікіх народаў, якія пражываюць на паўночнай ўскраіне Расіі – тэрыторыі Камчацкага краю: карякаў, чукчаў, ітэльменаў, эвенаў і інш. У Беларускім тэатры “Лялька” пакажуць забаўныя і павучальныя спектаклі для юных гледачоў.

Фэст вулічнага мастацтва “На сямі вятрах” сёмы раз збярэ на імправізаваных пляцоўках горада творчых людзей і калектывы з розных краін. Гульнявыя праграмы, у тым ліку з вясёлым клоўнам, выступленні кавер-бэндаў, урокі-флэшмобы запальнай сальсы прама пад адкрытым небам, аўтарскія песні, светлавое і шоў бразільскіх барабанаў-вось няпоўны спіс таго, што прынясе фестывальны вецер у горад на Заходняй Дзвіне. Нязменна не пакіне абыякавым нікога з мінакоў тэатр жывых скульптур, з якімі можна зрабіць арыгінальныя сэлфі на памяць аб “Славянскім базары”. Хадулісты з Віцебскага Моладзевага тэатра “Кола” прадставяць новыя вобразы і падымуць градус настрою да максімуму. А адкрыццё фэста адбудзецца на наступны дзень, 16 ліпеня, на плошчы ля помніка Пушкіну.

Падрыхтавана па матэрыялаў сайта БелТА.