СГПАП Машчаніцкага сельвыканкама па выніках работы за мінулы год стаў пераможцам першага этапа штогадовага абласнога конкурсу на званне «Лепшы савет грамадскага пункта аховы правапарадку», набраўшы максімальную колькасць балаў сярод іншых сельвыканкамаў.
Дзейнасць СГПАП сельвыканкамаў ацэньвалася па такіх крытэрыях, як якасць забеспячэння пажарнай бяспекі на тэрыторыі сельсавета, эфектыўнасць узаемадзеяння з суб’ектамі прафілактыкі правапарушэнняў, ажыццяўленне арганізацыйнавыхаваўчай работы з грамадзянамі, якія схільныя да супрацьпраўных паводзін. Таксама ўлічваўся агульны стан злачыннасці і грамадскага парадку на тэрыторыі сельсавета, і іншыя крытэрыі.
– За мінулы год у нас было праведзена 13 пасяджэнняў СГПАП, на якіх разгледжаны 71 грамадзянін, – адзначыла старшыня Машчаніцкага сельвыканкама Іна НАПРЭЕНКА. – З іх 45 чалавек працаздольныя, нідзе не працуючыя асацыяльныя асобы, 11 – раней судзімыя, 7 – парушальнікі пажарнай бяспекі, 6 – сямейныя скандалісты, 7 – бацькі мнагадзетных сем’яў, якія схіл ьныя да ўжывання алкагольных напояў. Да 65 жыхароў Машчаніцкага сельсавета члены СГПАП выязджалі прама на дом. Гэта дазволіла ахапіць прафілактычнымі мерапрыемствамі найбольшую колькасць падуліковых грамадзян. Актыўная работа праводзілася Саветам і па працаўладкаванні непрацуючых людзей, якія вядуць асацыяльны лад жыцця. У выніку былі працаўладкаваны 12 чалавек. Па рашэнні Савета ў ЛПП
ізаляваны 2 грамадзяніны. Па рэкамендацыі СГПАП прайшлі лячэнне ў нарколага 7 жыхароў Машчаніцкага сельсавета.
Па выніках дзейнасці Савет грамадскага пункта аховы правапарадку Машчаніцкага сельвыканкама будзе прадстаўляць Бялыніцкі раён у абласным этапе конкурсу.
