Неаднаразова судзімы бялынічанін І. у кастрычніку 2018 года быў асуджаны па ч.1 арт.174 КК РБ да 6 месяцаў з накіраваннем у выпраўленчую ўстанову адкрытага тыпу. Але гэтага яму было мала.

Прыбыць на месца адбыцця пакарання ў Крычаў ён быў павінен не пазней 11 студзеня 2019 года, аб чым І. паведамілі ў РАУС. Мужчына пазычыў 208 рублёў у свайго знаёмага, маўляў, на паездку і набыццё прадуктаў харчавання. На наступны дзень на падпітку патэлефанаваў пазыкадаўцу і сказаў, што ў Крычаў не паедзе. Супрацоўнікі РАУС затрымалі “падарожніка” і памясцілі ў ізалятар часовага ўтрымання. 

І. нідзе не быў працаўладкаваны, перабіваўся часовымі заробкамі ў Расійскай Федэрацыі, злоўжываў спіртнымі напоямі. Змякчальнай абставінай справы на судзе паслужыла чыстасардэчнае прызнанне віны, абцяжарваючай — тое, што ў яго была непагашаная судзімасць. І. атрымаў чарговае пакаранне на 1 год і 2 месяцы пазбаўлення волі.

    Таццяна КОЗЫРАВА,

            старшы следчы РАСК.